Ciwan
Rêxistina PÊL pişta hêzên ciwanan digire, bi rêya ku jîngeheke guncaw ji wan re peyda bike, ji bo ku destpêşxerî û kampanyayên civakî bi cih bînin, hem jî di avakirina civakê û pêkanîna geşepêdaneke domdar de pişta wan digire.
Rêxistina PÊL ji gava damezirandina wê ve hewl dide ciwanan di qadên civakî yên cuda de amade û hêzdar bike, hingê ciwan dikevin ber rêzerahênanên der barê avakirina şiyan, hinerên hevpêwendîyê, dahûrandina kêferatê, xwedîyên berjewendîyê û ji bilî wan ji komxebatên rahênanê. Li gel lidarxistina rûniştinên guftûgoyî yên gerîyane, da ku dozên civakî yên berz got û bêj bikin, her weha pêwîstîya beşdarbûnê û hilgirtina berpirsyarîya biryarstandinê; bawerî pê xurt bibe. Li gel vê yekê, ciwan der barê bipêşxistina zanyarî û şiyanên kesî yên bo perisandina tiwanên wan ji alîyên cuda ve û amadekirina wan ji bo bi roleke çalak di guftûgo û çalakîyên din de rabin tên rahênan.
Kampên Penaberan
Xurtkirina hevgirtina civakî, avakirina aştîyê bi rêya piştgirtina penaberên ku bi darê zorê ji warên xwe penaber bûne, li gel ku di beşdarkirina wan di biryarsazîyê de destekdar bin.
Rêxistina PÊL, sala 2020î navenda xwe ya li Kampa Waşokanî vekir, ji hingê ve nevend gelek xizmetkarîyên di warên bîrwerane, perwerdehî, avakirina şiyanan û piştgirtina derûnî ji penaberan re pêş kêş dike. Li gel bicihanîna çalakîyên dilxweşkirinê; wekî pêşkêşîyên hunerî, çalakîyên werzîşî, perwerdeyên bêsewadîyê û rûberên dostane ji zarok û jinan re, tevî kampanyayên tendirustîyê û komxebatên giştî. Her weha roleke berz ya PÊL hebû di dabînkirina alîkarîyên gerek, zembîlên xwarinmenîyê û mitêlan ji penaberên Serê Kanîyê û gundewarên wê re.
Jin
Piştgirtina dik û rûberên ewle û dostane bi armanca guftûgo û karvedana bo xurtkirin û hêzdarkirina rola jinê
Rêxistina PÊL, komek çalakîyên taybet bi jinan bi cih tîne, weke piştgirtina dik û rûberên ewle û dostane bi armanca guftûgo û karvedanê, piştgirtina dîmena hevbeşîyê, xurtkirin û hêzdarkirina rola jinê di tevahîya biwarên “civakî, mafnasî, zanyarî û siyasî” de, çalakîyên dijberîya tundîya li dijî jinê, çalakîyên bîrwerane der barê şûkirina keçên piçûk û diyardeyên destdirêjîkirina seksî, çalakîyên piştgirtina rola jinê di geşepêdana civakî de, li gel beşdarbûna wê ya rijd di karûbarên giştî û biryarsazîyê de. Her weha PÊL di hemû çalakîyên xwe yên cihêreng de, alîyê zayendî li ber çavan digire, bi awayekî ku rêjeya jinên beşdar nêzî 50% yan bêhtir di her çalakîyekê de be.
Forûm & Taqîgeh
Amadekirina forûm û taqîgehan bo derbirîna nêrîn û ramanan
Li herêmê, Rêxistina PÊL bi amadekirina forûm û taqîgehên ku bi awayekî gerîyane tên lidarxistin cêwaz e, ku ew dikeke çalak, rûbereke aştî, geşbûn û lihevîyê, ahengeke karvedanî ya dewlemend bo derbirîna nêrîn û ramanan û encamgirtina pêşniyar û destpêşxerîyan tê dîtin, bi amadebûna alîyên çalak, rêxistinên sivîl, sazîyên ragihandinê û çalakîyên jinane. Hem jî ew derfeteke cêwaz e bo hevpêwendîya bi biryarsaz re ye; wekî Komxebata Ciwanan ya 2016an, Komxebata Ciwanan ya 2018an, Komxebata Ciwanan ya 2019an, Komxebata Ciwanan ya 2020î, Komxebata Ciwanan ya 2021ê ku 2 bare bû, Komxebata Şaredarîyan ya 2019an, Komxebata Şaredarîyan ya 2021ê, Taqîgeha Jinan ya 2019an, Komxebata Guftûgo û Aştîya Navxweyî ya 2020î.
Birêveberîya Xwecihî
Afirandina rûbereke hevbeş di navbera kesên civakê û alîyên çalak de
Birêveberîya xwecihî cihekî girîng di nav armancên Rêxistina PÊL de girt, bi rêya komek çalakî, dîdar, rûniştin, xebat û komxebatan, bi armanca afirandina rûbereke hevbeş di navbera kesên “civak”ê û alîyên çalak de, da ku balê bikişîne ser pêdivî û daxwazan û derfet û astengîyên ku toşî karê encumenên xwecihî dibe. Li gel amadekirina rûberekê ku hevgihandina kesên civakê û biryarsazan xurt dike û dibe alîkar, her weha bersivdana birêveberîya xwecihî ji daxwaz û pêdiviyên kesên “civak”ê re zêde dike.
Çandinî
Zêdekirina pisporî û zanîna di warê geşkirina çandinîyê de
Bo zêdekirina pisporî û zanîna di warê geşkirina çandinîyê de, beşdarkirina civakên gundewarî di zêdekirina berhemdana çandinîyê û dabînkirina debara malbatan de; Rêxistina PÊL projeyine destekdarîya kerta çandinîyê “Debara Jîyanê” bi cih anîn, bi armanca pêkanîna geşepêdaneke domdar di astên jîyana gundewarîyê de û dabînkirina debara jîyanê ji malbatan re, piştgirtina geşepêdana xweyîtî ji civakên gundewarî re û baştirkirina dahata malbatan da ku keresteyên xwezayî yên xwecihî yên peydabûyî bi kar bînin.
Ragihandin
Hinerên kadirê ragihandinê di serederîya bi alîyên cuda yên jîyana rojane re
PÊL bi rêya çalakîyên cihêreng hewl da ku kadirekî ragihandinê rahêne û amade bike, ku li gor mîkanîzm û tewereyên zanyarî û zanistî pabendî pîşetîyê bibe, hem jî piştevanîya hinerên wan dike, di warê serederîya bi alîyên cuda yên bûyerên rojane re û di qadên cuda de, da ku di çarçoveya rêkarîya veguhaztina demokratîk de bi rola xwe ya girîng rabe. Li gel ku girîngîyê dide ragihandinekê ku dijberî layengirî û gotara nefretê be, bi rêya bernameyên taybet û metirîyal û dîzaynên ragihandinî yên dîtbar, nivîsbar û bihîzbar, ku hewl didin gotara nefretê sînordar bikin, dijberî tundîyê derkevin û hevgirtina civakî xurt bikin. Li gel ku pencereyeke ragihandinê ji guftûgo û karvedanê re di navbera kom û pêkhateyan de biafirîne.
Jîngeh û Parastina Dahatên Sirûştî
Xurtkirina parastina jîngehê û bîrwerîya jîngehî ya civakî, li gel afirandina rûbereke civakî û ewle di navbera birêveberîya xwecihî û civaka xwecihî de
Yek ji girîngtirîn armancên Rêxistina PÊL; xurtkirina parastina jîngehê û bîrwerîya jîngehî ya civakî ye, li gel beşdarbûna di afirandina rûbereke civakî û ewle di navbera birêveberîya xwecihî û civaka xwecihî de, di çarçoveya rêkarîya peyitandinê ya hevgirtina civakî û xurtkirina avakirina aştîyê li herêmê. Çimkî şerê berdewam yê li Sûrîyeyê bi giştî û li herêmên Bakur û Rojhilatê Sûriyê bi taybet, ziyanek mezin li jîngehê kir, îcar çarekirina ziyanên ku di encama şer de li jîngehê bûne, tevî ziyana mezin ya ku li deranîna petrolê bûye, rakirina daristanan, berferehbûna avanîyê bi awayekî korane li ser hesabê rûberên şînatîyê, şewitandina zevîyên çandinîyê, gemarbûna ava jor-zemîn û jêr-zemînê, birêvebirina dirust ji paşmayînên hişk re, birêkûpêkkirina jîngehê û çaksazkirina jêrxaneya jîngehê; ev hemû karên sereke ne bo ji nû ve avakirina piştî şer û ji nû ve amadekirina jîngehê li herêmên Bakur û Rojhilatê Sûriyê. Hingê peydakirina ava paqij, tunekirina paşmayînên jehrbûyî û ji nû ve çandina daran; ew ji karên herî girîng in bo ji nû ve avakirina pergaleke jîngehî ya tendirust ji xelkê re, da ku lê bijîn û ji nû ve herêmên xwe ava bikin.
Beşdarbûna Civakî
Lidarxistina çalakî, hevdîtin, rûniştin, komxebat û kongireyên bo afirandina rûbereke hevbeş di navbera civakên xwecihî û biryarsazan de
Hukumdarîkirin û beşdarbûna civakî jî ji armancên stratejîk in, yên ku Rêxistina PÊL hewl dide wan bi awayekî domdar xurt bike, ew vê yekê bi armancgirtina dam û dezgehên hukumê xwecihî yên wekî komîn, encumenên şaredarîyan û ji bilî wan ji desteyên hukumê xwecihî pêk tîne, bi rêya komeke çalakî, hevdîtin, rûniştin, komxebat û kongireyên bo afirandina rûbereke hevbeş di navbera civakên xwecihî û biryarsazan de, da ku balê bikişîne ser pêdivî û daxwazan, derfet û astengîyên ku toşî karê encumenên xwecihî dibin. Li gel peydakirina rûbereke nerm û karvedanî ku di warê gihîştina welatîyan bo biryarsazan de hem bibe alîkar û hem jî xurt bike, tevî ku bersivdana birêveberîya xwecihî ji daxwaz û pêdiviyên civakên xwecihî re zêde bike. Her weha PÊL bi berdewamî, çalakîyên ku beşdarbûna welatîyan di geşepêdana li ser astên cuda de xurt dike li dar dixe; ev yek jî bi rêya afirandina asoyên karvedanî û rûniştinên li hev guhdarkirinê di navbera kertên civakî û pêkhateyên cuda de. Li gel rûniştin û çalakîyên guftûgoyî li ser bingeha peydakirina rûbereke berferehtir ji beşdarbûna civakî re û xurtkirina lêpirsîna civakî di hukumdarîya xwecihî de, da ku di rêkarîya geşepêdana civakî de destekdar bibe.
Rehabilîtasyon & Hêzdarkirin
Avakirina şiyanên tevahîya qatên civakî
Rehabilîtasyon û Hêzdarkirin, ji babetên sereke yên xebata PÊL in, da ku şiyanên tevahîya qatên civakî ava bike, rola wan di civakê de xurt bike, li gel ku zanyarîyan bide wan û hinerên wan bi pêş bixe, bi rêya kors û komxebatên rahênan û perwerdekirinê; “perwerdeyên di biwarên ragihandin, zimanê ingilîzî, dirûtin, pîşeyî, montaj û wênekêşîyê” de.
Belgekirina Samanan (HLP)
Destpêkirina çalakî û projeyên ku balê dikişînin ser derdkêşanên penaberan, bi taybet desteserkirina mal û samanên wan ji alîyê komên ku desthilata dagirker pişta wan digire.
Rêxistina PÊL bi rêya vê xebatê hewl dide ku di warê piştgirtin û algirtina dozên civakî û dozên penaberan bi roleke girîng rabe, li gel xurtkirina mafên niştecihbûn, zemîn û xweyîtîyê (HLP), bi rêya destpêkirina çalakî û projeyên ku balê dikişînin ser derdkêşana penaberan ya desteserkirina mal û samanên wan ji alîyê komên ku desthilata dagirker pişta wan digire, her weha da ku rastîya ku dibêje; sivîl bê daxwaza xwe dev ji mal, zevî û samanên xwe berdan û penaber bûne, tekez bike. Li gel ku hewl dide binpêkirinên di mafê xelkên bajar û deverên dagirkirî; yên wekî Serê Kanîyê, Girê Spî, Efrîn û gundewarên wan de bişopîne û belge bike, hem jî bi hevkarên navdewletî û rêxistinên mafên mirovan re parve bike, da ku ew mal, zevî û saman vegerin ji xwedîyên xwe yên resen re. Her weha PÊL kar dike ku bigihêje zanyarîyên girêdayî mal, zevî û samanan, hem jî agahîyên xwedîyên wan yên resen kom bike û li gor amraz û pêrabûnên yasayî belge bike û alîyên pêwendîdar bi tevahîya van erkan agahdar bike, ku di encamê de dê rawestandina kiryarên desteserkirin, firoştin, maldan û kirêkirinê werin handan, hem jî vegereke dilxwaz û ewle ji penaberan re were peydakirin û mafên wan yên vegerandina samanên wan bi tevahî misoger bibe.
Nûçeyên herî dawî
Nûçe û çalakîyên Rêxistina PÊL û çalakîyên civaka sivîl ya sûrî yên herî dawî
Komxebatên dawî
Raberkirina hemû nûçeyan
Ji karên Komxebata PÊL ya Ciwanan ya 2022yan ya bi serenavê “Pirrengîya Me… Hêza Me Ye”yê ya li bajarê Qamişloyê.
Ev tewere girtin dest:
