Rêxistina PÊL – Tirbespî
Rûniştineke PÊL, der barê hinerên hêsankirinê de, hejmarek şîretên bo hêsankaran encam da, ku li navenda wê ya li bajarê Tirbespîyê yê li Bakur û Rojhilatê Sûriyê, bi beşdarên komxebatê re hatin gotûbêjkirin.
Komxebata ku 17 kes beşdar bûnê; hêsankirin û guftûgo, hem jî cudahîya di navbera guftûgo û gotûbêjkirinê de, pêvajoyên rûniştinên guftûgoyî û cureyên pirsên wan, li gel beşên sereke yên hêsankirinê û amrazên wê yên mîna “vesazkirin, ji nû çarçovekirin û kurtekirin” hatin danasîn.
Ji pêşniyarên ku di komxebatê de hatin pêşkêşkirin: “Nivîsan ji ber nekin, hayê we ji zimanê laş yê endamên komê hebe, hertim li komê vegerin, kurte bikin û rawestin, hayê we ji liv û tevgera we hebe, destên xwe bi kar bînin û bê tevger nehêlin, hayê we ji axaftinên we hebe, pabendî rola xwe wekî hêsankar bibin, berevanîyê nekin, razîbûna desthilatdarkirîyan qezenc bikin û ruhê pêkenokî bi awayekî sînordar bi kar bînin”.
Beşdar gihaştin encamekê ku divê kesê hêsankar xwedî hinerên sereke be, wekî: “Bêalîtî, alînegirî, guhdarkirina çalak, vesazkirin û kurtekirin, hûnandina baş ji pirsan re, dirustîya kesayetê û têgihîştineke baş”.
Komxebat di çarçoveya projeya “Vîn”ê ya PÊL serperiştîya wê dike de hat lidarxistin, ya ku beşdarbûna di warê amadekirin û bilindkirina asta hinerên ciwan, jin û komên paşguhkirî di geşepêdana xwecihî de, li gel xurtkirina rola çand û hunerê di avakirina aştî û pirrengîya olî, zimanî û çandî de aramnc digire
