Rêxistina PÊL – Qamişlo
PÊL hejmarek tabloyên mermerî ku bi danasînan neqişandî li çend deverên kelepûrî yên bajarê Qamişloyê, li Bakur û Rojhilatê Sûrîyeyê, bi cih kirin. Ev xebat di çarçoveya belgekirin, parastin û danasîna kultûrê hat bicihanîn.
PÊL bi rêya vê xebatê hewl da sîmayên ku bîrxaneya komî ya pêkhateyên herêmê saz dike belge bike û bide nasîn, bi rêya nîşandana alîyên dîrokî, avahîsazî û olî yên van sîmayan, ev tablo bi sê zimanan (erebî, kurdî, suryanî) hatin amadekirin.
Ji wan deverên herî giring ên hatin danasîn: “Mizgefta Mezin, Pirtûkxaneya El-Lîwai, Qehwexaneya Gerbês, Bazara Îzra, Kenîseya Mar Yaqûb, Şêx Ednan Heqî, hunermend Mihemed Şêxo, helbestvan Cegerxwîn, hunermend Saed Yûsif û hwd”.
Ev plan hate sazkirin piştî civînekê der barê mijara “bîrxaneya komî” û hevdîtinên bi çend kesan re ku hejmarek ji wan li ser malpera PÊL ya Facebookê hatin weşandin û bi dilgermî ji alîyê civaka xwecihî ve hatin pêşwazîkirin.
