Rêxistina PÊL – Hisiça
PÊL, ji bo tundrewîyê sînordar bike, hejmarek jinên ku ji kampa Holê vegerîyane, li ser xurtkirina nirxên mirovî rahêna, da ku li xurtkirina şîyanên welatîyan û jinên ji kampa Holê vegerîyane beşdar bibe, bi armanca piştgirtina aramîyê, pêkanîna beşdarîyeke baştir û avakirina aştîyê û hevgirtina civakî, li bajarê Hisiçayê yê li Bakur û Rojhilatê Sûrîyeyê.
Vê komxebatê hewl da alîkarîyê pêş kêş bike ji wan jinên ku ji kampa Holê vegerîyane ku jîyana xwe ya asayî vegerînin û paşerojeke baştir ji malbatên xwe re ava bikin, li gel ku komxebatê tekezîyê li dozên wan kir û rûbereke ewle ya guftûgoyê ji wan re peyda kir.
Di vê komxebatê de, tundrewî û awa û kokên wê hatin pênasekirin, çawanîya cêwazkirina nêrînê ji tundrewîyê, bandora tundrewîyê li jinan û hêmanên tundrewbûna jinan, li gel pêşkêşkirina kurtevîdyoyekê ku mijara tundrewîyê derdibire.
Di dawîya komxebatê de, rola rêxistinên civaka sivîl di rêgirtina li tundrewîyê hate gotûbêjkirin, wekî jinavbirina cêwazkarîyê û perwerdeya olî ya tundrew, hevkarî û hevrêzîya di navbera rêxistinên hikûmetî û yên ne hikûmetî de, pevguhartina agahî û ezmûnan, hêzdarkirina komên paşguhkirî ji alîyê aborî ve, li gel belavkirina zanîn û bîrewerîyê.
