Rêxistina PÊL – Qamişlo
PÊL, bi armanca gotûbêjkirina beşa duyem ji projeya Zalînê û naskirina ku çendî ciwan balê didin biwara jîngehê, li navenda xwe ya li bajarê Qamişloyê, civînek li dar xist.
Civîna ku PÊL li dar xist û 17 kesên xwebexş lê beşdar bûn; bi awayê guftûgoyên vekirî hat meşandin, bi armanca ku çendî haydarîya ciwanan ji mijarên jîngehî yên herêma wan û pêwîstîyên hêzdarkirina wan di vê biwarê de were naskirin.
Di encamê de, lihevkirineke li ser gavên destpêkî yên cîbicîkirina projeyê pêk hat, hin ji wan gavan ev in: “Destpêşxerî, pêşkêşkirina fîlmên der barê jîngehê de, lidarxistina komxebatên girêdayî mijarê û hwd”, li gel ku bala beşdaran hat kişandin ku ew li arîşeyên jîngehî yên li derdora xwe bigerin.
Armanca vê projeyê ew e ku di xurtkirina rola ciwanan di avakirina aştîyê û parastina jîngeha herêma Cizîrê de beşdar bibe.
